ಸಮಾಜಸೇವೆಯೇ ಬದುಕಿನ ಉಸಿರು · ಮಹಿಳಾ ಸಬಲೀಕರಣವೇ ಸಂಕಲ್ಪ

ಮಹಿಳೆಯರನ್ನು ಸಂಘಟಿಸಿ, ಅವರಲ್ಲಿ ಜಾಗೃತಿ ಮತ್ತು ಆತ್ಮವಿಶ್ವಾಸ ಮೂಡಿಸುವ ಆಶಯದೊಂದಿಗೆ ರೇಣುಕಾ ಶಿವಾನಂದಪ್ಪ ಹಾಗೂ ಸಮಾನ ಮನಸ್ಕ ಸ್ನೇಹಿತೆಯರ ಸಮೂಹವೊಂದು 12 ಮಾರ್ಚ್ 1993ರಂದು ಶಿವಮೊಗ್ಗದಲ್ಲಿ ಕದಳಿ ವನಿತಾ ಸಮಾಜವನ್ನು ಕಟ್ಟಿಬೆಳೆಸಿತು.

ಅಂದಿನ ಜಿಲ್ಲಾಧಿಕಾರಿಗಳ ಪತ್ನಿ ಶ್ರೀಮತಿ ಪ್ರೇಮಲತಾ ಸದಾಶಿವಯ್ಯನವರ ಅಮೃತ ಹಸ್ತದ ಜ್ಯೋತಿ ಬೆಳಗುವಿಕೆಯೊಂದಿಗೆ ಸಮಾಜದ ಪಯಣ ಆರಂಭವಾಯಿತು; ಆ ಬೆಳಕು ಇಂದು ಮೂರು ದಶಕಗಳಿಗೂ ಮೀರಿ ಸಹಸ್ರಾರು ಮಹಿಳೆಯರ ಬದುಕಿನಲ್ಲಿ ಮುಂದುವರಿದಿದೆ.